Olti Hyseni ka nisur aventurën e tij te Brondby në mënyrën më të mirë të mundshme, duke shënuar golin e vetëm në ndeshjen kundër Viborg në elitën e futbollit danez. Sulmuesi 19-vjeçar u transferua nga Sonderjyske për një shumë prej rreth 2.65 milionë eurosh, duke u bërë blerja më e shtrenjtë në historinë e klubit të tij të mëparshëm. Hyseni hyri në fushë në minutën e 67-të dhe realizoi golin vendimtar në minutën e 80-të, duke siguruar tri pikët e para për Brondby këtë sezon. Ai konsiderohet një nga talentet më premtues në futbollin skandinav dhe ka përfaqësuar Danimarkën në grupmoshat e ndryshme, ndërsa tashmë ka nënshkruar kontratë afatgjatë deri në vitin 2031.