Albian Ajeti debutoi me Luganon vetëm dy ditë pas transferimit nga Baseli në formë huazimi dhe shënoi golin vendimtar në minutën e 94-t për të siguruar fitoren 1:0 ndaj Servettes në xhiron e gjashtë të Superligës së Zvicrës. Ky gol i dha Luganos kryesimin në renditje me 15 pikë pas pesë ndeshjeve, një pikë më shumë se Young Boysi që ka një ndeshje më shumë. Uran Bislimi luajti titullar për Luganon dhe asistoi në golin e Ajetit, ndërsa sulmuesi u inkuadrua në minutën e 67-të. Në ndeshjet e tjera, Sioni fitoi 2:1 në udhëtim te Baseli, me Donat Rrudhani dhe Rilind Nivokazin në fushë, duke u ngjitur në vendin e katërt me nëntë pikë.