Ousmane Dembélé ka vendosur të vazhdojë karrierën te Paris Saint-Germain, duke arritur marrëveshje për një kontratë të re që do ta mbajë te klubi francez deri në verën e vitit 2030. Pavarësisht ofertave nga klubet e Saudi Pro League, sulmuesi francez preferoi të qëndrojë në Paris, ku është i kënaqur me kushtet e reja të kontratës. Ky vendim vjen në një kohë kur marrëdhënia mes Dembélés dhe trajnerit Luis Enrique ka qenë e tensionuar, pasi francezi është lënë jashtë formacionit në disa ndeshje dhe nuk ka qenë i kënaqur me këtë trajtim. Megjithatë, pas disa mungesave dhe diskutimeve për menaxhimin e ngarkesës fizike, Dembélé duket i vendosur të vazhdojë të jetë pjesë e projektit të PSG-së për disa vite të ardhshme.