Paris Saint-Germain u trondit nga lëndimi i Ousmane Dembele vetëm pak ditë para finales së Champions League kundër Arsenalit, pasi sulmuesi u detyrua të largohej nga fusha në ndeshjen ndaj Paris FC për shkak të një shqetësimi në kofshë. Trajneri Luis Enrique u përpoq të qetësonte situatën duke e cilësuar dëmtimin si një tërheqje të lehtë muskulore dhe jo diçka serioze, megjithatë Dembele do t’i nënshtrohet kontrolleve të mëtejshme për të përcaktuar shkallën e lëndimit. Ky shqetësim nuk prek vetëm PSG-në, por edhe përzgjedhësin e Francës, Didier Deschamps, i cili e konsideron Dembele një lojtar kyç për Kupën e Botës 2026. Me vetëm 12 ditë para finales së madhe në Budapest, klubi dhe stafi mjekësor po ndjekin me kujdes gjendjen e sulmuesit, duke shpresuar që ai të jetë në dispozicion për ndeshjen vendimtare.