Sonte në stadiumin “King Saud University” në Riyadh zhvillohet një ndeshje kyçe mes dy rivalëve më të mëdhenj të futbollit saudit, Al Nassr dhe Al Hilal, që mund të vendosë fituesin e Ligës Profesionale të Arabisë Saudite. Al Nassr, me Cristiano Ronaldon në përbërje, udhëheq kampionatin me 82 pikë, pesë më shumë se Al Hilal, që ka një ndeshje më pak dhe synon të mbajë gjallë shpresat për titullin. Një fitore e Al Hilal sonte do të barazonte pikët dhe do të hapte garën deri në javën e fundit, ndërsa Al Nassr kërkon të afrohet më shumë drejt triumfit. Atmosfera në Riad pritet të jetë shumë e nxehtë, me yje të njohur ndërkombëtarë në fushë dhe një rivalitet historik mes dy klubeve që ka dhënë përballje të zjarrta në të kaluarën.