Ndeshja derbi mes Manchester Cityt dhe Arsenalit në Premier League po zhvillohet me një ritëm shumë të lartë dhe emocione të forta. Manchester City kaloi i pari në epërsi në minutën e 16-të falë një goli të bukur nga Rayan Cherki, i cili shfrytëzoi një asist perfekt nga Rodri dhe finalizoi me qetësi në cepin e portës. Arsenal reagoi menjëherë dhe vetëm dy minuta më vonë, në minutën e 18-të, Kai Havertz barazoi rezultatin pas një gabimi të portierit Donnarumma, duke rikthyer ekuilibrin në ndeshje. Kjo ndeshje derbi pritet të jetë vendimtare në luftën për titullin në Premier League, duke mbajtur tifozët në ankth për zhvillimet e mëtejshme.