Derbi historik i 450-të mes Celtic dhe Rangers përfundoi me fitoren 3:1 të vendasve në “Celtic Park”, duke rikthyer emocionet në garën për titull në Premier League të Skocisë. Rangers kaloi të parët në avantazh me golin e Mikey Moore në minutën e nëntë, por Celtic barazoi në pjesën e parë me Yang Hyun-Jun dhe më pas përmbysi rezultatin falë dy golave të sulmuesit japonez Daizen Maeda, përfshirë një gol spektakolar me “gërshërë”. Me këtë fitore, Celtic i afrohet vetëm një pikë liderit Hearts, duke krijuar një rivalitet të fortë dy xhiro para fundit të kampionatit. Në xhiron e parafundit, Celtic do të luajë në transfertë ndaj Motherwell, ndërsa Hearts do të presë Falkirkun në shtëpi, ndërsa Rangers mbetet jashtë garës për titull.