Para ndeshjes së Real Madridit me Interin, trajneri José Mourinho mori një dhuratë të veçantë nga një gazetar italian, një spërkatëse uji që i kujton një moment historik të karrierës së tij. Kjo dhuratë simbolike lidhej me festimet e paharrueshme të Mourinhos në vitin 2010, kur Interi eliminoi Barcelonën në “Camp Nou” dhe festoi nën spërkatësit e ujit të aktivizuar nga stafi i Barcelonës. Gazetari Tancredi Palmeri i dorëzoi spërkatësin para konferencës për shtyp, duke rikthyer në vëmendje atë natë të famshme dhe duke e bërë Mourinho-n të qeshë me këtë kujtim. Përveç nostalgjisë, trajneri portugez ndau edhe sekretet e suksesit të Interit në atë ndeshje, duke theksuar rëndësinë e mbulimit të Messit me një strategji të veçantë mbrojtëse.