Largimi i portierit shqiptar Diant Ramaj nga Borussia Dortmund duket i pashmangshëm këtë verë, pasi ai nuk udhëtoi me ekipin për fazën përgatitore në Japoni. Ramaj po zhvillon bisedime me klube të ndryshme, ndërsa nuk është ende e qartë nëse do të huazohet apo do të shitet përfundimisht. Emri i Kopenhagenit përmendet si një nga destinacionet e mundshme, duke qenë se portieri ka pasur më parë eksperiencë në Danimarkë. Ai refuzoi të përfaqësojë Shqipërinë në Kombëtare, duke pritur një ftesë nga Gjermania, ndërsa trajneri i Dortmundit, Niko Kovaç, ka bërë të ditur se nuk llogarit më në shërbimet e tij.