Portieri i talentuar Diant Ramaj është shumë pranë rikthimit te FC Copenhagen, klub ku kishte luajtur më parë në formë huazimi. Ai ka udhëtuar drejt Danimarkës për t’u nënshtruar testeve mjekësore, një hap ky i rëndësishëm para finalizimit të marrëveshjes me klubin danez. Ramaj pritet të huazohet nga Borussia Dortmund, ku është nën kontratë deri në vitin 2029, ndërsa Copenhageni do të ketë opsionin për blerjen përfundimtare për rreth 5 milionë euro. Ky rikthim vjen pas një periudhe ku portieri ishte pjesë e Copenhagenit në sezonin 2024/25, menjëherë pas transferimit nga Ajax te Dortmundi.