Portieri kosovar Diant Ramaj do të luajë sezonin 2026/27 në huazim te FC Copenhagen, duke u rikthyer kështu te klubi danez për herë të dytë. Borussia Dortmund, klubi i tij aktual, ka zyrtarizuar marrëveshjen e huazimit, megjithëse Ramaj ka kontratë me ta deri në vitin 2029. Ky është huazimi i tretë i Ramajt që nga transferimi i tij në Dortmund në shkurt 2025 për 7 milionë euro, pasi nuk është pjesë e planeve të klubit gjerman. Gjatë periudhës së mëparshme te Copenhageni, Ramaj ndihmoi skuadrën të fitojë titullin kampion dhe kupën e Danimarkës, ndërsa sezonin e kaluar ishte huazuar te skuadra gjermane e Heidenheimit.