Federata e Futbollit e Kosovës, në bashkëpunim me sponsorin Albi Mall, ka shpallur sulmuesin e FC Prishtina, Diatta Assane, “Ylli i Javës” për xhiron e tretë të Superligës. Ky çmim i jepet futbollistit më të dalluar të çdo xhiroje, dhe këtë herë Diatta u vlerësua për dy golat e tij vendimtarë në fitoren ndaj Llapit, duke siguruar tri pikët për skuadrën bardhekaltër. Komisioni i Veteranëve të Futbollit ka bërë vlerësimin e këtij çmimi, duke theksuar kontributin e jashtëzakonshëm të 26-vjeçarit nga Senegali. Ai ka shënuar gjithsej tre gola në dy ndeshjet e para të sezonit, duke treguar formë të lartë dhe duke u bërë një nga figurat kryesore të Superligës.