Mediet spanjolle raportojnë se Diego Simeone ka arritur një marrëveshje paraprake me Interin për të marrë drejtimin e skuadrës nga sezoni 2026/27, duke zëvendësuar Cristian Chivun. Trajneri argjentinas pritet të largohet nga Atletico Madrid pas 16 vitesh, ku ka fituar dy tituj kampion dhe trofe të shumtë, edhe pse ka kontratë deri në vitin 2027. Megjithatë, mediat italiane dhe burime pranë Interit e konsiderojnë këtë lëvizje shumë të vështirë për t’u realizuar, kryesisht për shkak të kostove të larta financiare, pasi Simeone përfiton rreth 34 milionë euro në sezon, një shifër jashtë parametrave ekonomikë të klubit. Gjithashtu, ecuria pozitive e trajnerit aktual Chivu në garat e Serie A, Kupës së Italisë dhe Ligës së Kampionëve e bën largimin e tij të papritur dhe të diskutueshëm.