Dinamo City ka arritur të marrë një barazim 1-1 në transfertë ndaj Aluminij në raundin e dytë të UEFA Conference League. Golin e vetëm për skuadrën shqiptare e shënoi Hekuran Berisha në minutën e 15, pas një driblimi të bukur dhe goditjeje në portën e zbrazur. Pavarësisht epërsisë së hershme dhe kontrollit të lojës gjatë pjesës më të madhe të ndeshjes, vendasit arritën të barazonin në minutën e 84 me golin e Vrbanec. Tani, gjithçka mbetet e hapur për ndeshjen e kthimit që do të zhvillohet më 30 korrik në “Elbasan Arena”, ku Dinamo do të kërkojë përkrahjen e tifozëve për të siguruar kalimin në raundin e ardhshëm të kompeticionit.