Dinamo do të përballet sot në “Air Albania” me Elbasanin në kuadër të javës së 30-të të Superiores, në një ndeshje me rëndësi të madhe për pozitat në tabelën e klasifikimit. Pas pushimit të Kombëtares, trajneri Ilir Daja ka mundur të rikuperojë disa lojtarë, duke formuar një ekip me Aldo Teqjën në portë dhe rikthimin e Guindos në sulm, ndërsa jashtë mbetet Klevi Qefalija. Dinamovitët synojnë fitoren për t’iu afruar vendit të katërt që mban Partizani, duke shpresuar edhe në një hap fals të rivalëve ndaj Vllaznisë. Përpara sfidës, klubi ka publikuar në rrjetet sociale një video me yllin Dejvi Bregu, i cili shfaqet duke shënuar nga pika e penalltisë, duke dërguar një mesazh të fortë rivalëve elbasanas.