Dinamo ka arritur marrëveshjen për të sjellë në skuadër mbrojtësin 24-vjeçar Saliou Sembene, i cili pas pesë vitesh te Partizani do të rikthehet në kryeqytet për të luajtur nën drejtimin e trajnerit Ilir Daja. Sembene, që ka fituar titullin dhe Superkupën e Shqipërisë me “Demat e Kuq”, pritet të forcojë ndjeshëm prapavijën e Dinamos, e cila kishte mungesë të një qendërmbrojtësi natyral. Lojtari është tashmë në stërvitje me ekipin dhe mbetet të shihet gjendja e tij fizike dhe koha kur do të jetë gati për të marrë minuta në fushë. Ky transferim vjen në një moment kyç për Dinamon, që synon të përmirësojë performancën në kampionat dhe të konsolidojë repartin difensiv me eksperiencën e Sembenes.