Dinamo Zagrebi ka arritur një fitore të rëndësishme me rezultat 3:1 ndaj Hajdukut të Splitit në derbin e xhiros së 25-të të futbollit kroat. Ndeshja u zhvillua në stadiumin "Poljud" në Split para 31 mijë shikuesve, ku Dinamo dominoi që nga fillimi duke shënuar me Zajc (7'), Vidoviq (11') dhe Bakrar (38'), ndërsa për Hajdukun shënoi Pukstas në minutën e 28-të. Futbollisti kosovar Ron Raçi luajti titullar për Hajdukun dhe qëndroi në fushë deri në fund, ndërsa Arbër Hoxha i Hajdukut mbeti në stol gjatë gjithë ndeshjes. Me këtë fitore, Dinamo kryeson tabelën me 57 pikë, duke ruajtur një diferencë prej dhjetë pikësh ndaj Hajdukut që renditet në vendin e dytë.