Futbollisti kosovar Dion Gallapeni ka marrë pasaportën shqiptare me një dekret të Presidentit Bajram Begaj, duke iu njohur zyrtarisht shtetësinë shqiptare. 21-vjeçari, i cili aktualisht luan në Poloni te skuadra Wisla Plock, pritet të bëjë një hap të rëndësishëm në karrierën e tij sportive. Me këtë pasaportë, Gallapeni do të ketë mundësinë të luajë në kampionate më të forta, përfshirë Serie A-n italiane, si dhe në vende që nuk e kanë njohur Kosovën si shtet. Ky zhvillim hap dyer të reja për mbrojtësin kosovar dhe mund të ndikojë në zgjerimin e mundësive të tij në futbollin evropian.