Dion Gallapeni po fiton gjithnjë e më shumë rëndësi te skuadra polake Wisła Plock, ku është i huazuar nga Lodzi. Në ndeshjen e fundit ndaj Bruk-Bet Termalica Nieciecza, ai asistoi në golin e tretë të shënuar nga Niarchos në minutën e 52-të, duke ndihmuar skuadrën të fitojë me rezultatin 3:1 në transfertë. Gallapeni, i cili luan në krahun e majtë, u zëvendësua në minutën e 61-të, por paraqitjet e tij të mira me Wisła Plock dhe Kombëtaren e Kosovës po e bëjnë atë një emër që mund të transferohet në një ligë më të fortë gjatë verës. Wisła Plock vazhdon të luftojë për titullin në Poloni, duke zënë vendin e tretë në renditje pas xhiros së 29-të, vetëm tri pikë larg liderit Lech Poznan.