Ekipi i Kosovës në boks, përbërë nga Donjeta Sadiku në kategorinë 60 kg dhe Shpëtim Bajoku në kategorinë 65 kg, ka udhëtuar më 8 prill drejt Brazilit për të marrë pjesë në kampin ndërkombëtar në Foz do Iguaçu. Gjatë periudhës 8–18 prill, ata do të zhvillojnë përgatitje intensive në kamp, të cilat janë shumë të rëndësishme përgatitëse para pjesëmarrjes në turneun prestigjioz “World Boxing Cup – Brazil 2026”. Ky turne do të mbahet nga 19 deri më 27 prill dhe ka një rëndësi të veçantë, pasi pikët e fituara në të vlejnë për kualifikimin në Lojërat Olimpike “Los Angeles 2028”. Ekipi shoqërohet nga selektori Faton Xhakli dhe Marjola Sallauka, ndërsa Federata e Boksit e Kosovës ka theksuar rëndësinë e këtij aktiviteti për sportistët kosovarë.