Ministri i Sportit dhe Rinisë, Blerim Gashani, priti në ambientet e ministrisë boksieren kosovare Donjeta Sadiku, e cila u shpall kampione në Lojërat Mesdhetare “Taranto 2026”, duke ngritur flamurin e Kosovës në podium. Gashani vlerësoi lart arritjen e Sadikut dhe theksoi se Ministria do të vazhdojë mbështetjen për sportistët kosovarë, duke paralajmëruar hapa institucionalë për vlerësimin e medalistëve nga këto gara. Kampionia tashmë po përgatitet për garat evropiane, ku pritet të përfaqësojë sërish Kosovën me sukses. Ministri i uroi Sadikut suksese të mëtejshme dhe përcolli mesazhin se e gjithë Kosova është me të në këtë rrugëtim sportiv.