Donjeta Sadiku, boksierja nga Kosova, ka arritur finalen e turneut prestigjioz të boksit amator “Strandja” në Sofje, Bullgari, për të dytin vit me radhë. Ajo fitoi meçin gjysmëfinal ndaj boksieres nga Egjipti, Ayyad Yomna, duke dominuar në të tre raundet dhe duke marrë vendimin unanim 5:0 nga gjyqtarët. Më parë, Donjeta kishte fituar bindshëm edhe dy meçet e para kundër boksieres nga Çekia dhe asaj nga Ukraina. Synimi i saj në finalen që do të zhvillohet të dielën është medalja e artë, pas triumfit të vitit të kaluar në këtë turne të rëndësishëm në Evropë.