Boksierja kosovare Donjeta Sadiku ka shënuar një fitore bindëse në Kupën Botërore të Boksit që po zhvillohet në Foz do Iguaçu të Brazilit, duke mposhtur me rezultat të pastër 5:0 përfaqësuesen e Zelandës së Re, Jordan Ëilson. Ajo nisi meçin me agresivitet të lartë, duke rrëzuar dy herë kundërshtaren në raundin e parë dhe duke arritur një knockdoën tjetër në raundin e dytë, që detyroi ndërhyrjen e gjyqtarit për ndalimin e përkohshëm të duelit. Në raundin e tretë, Sadiku ruajti kontrollin e plotë dhe e çoi meçin drejt një fitoreje të thellë, duke treguar dominim të plotë gjatë gjithë ndeshjes. Ky sukses është shumë i rëndësishëm për kualifikimin e saj në Lojërat Olimpike “Los Angeles 2028”, ndërsa meçi i radhës pritet të zhvillohet më 24 prill në orën 16:00.