Bashkimi ka fituar ndeshjen e parë gjysmëfinale të plejofit ndaj Borës me rezultatin 73:70, në një përballje dramatike të zhvilluar në Prizren. Pas një epërsie prej 11 pikësh të Borës në fund të çerekut të tretë, Bashkimi reagoi fuqishëm në çerekun e katërt, duke arritur të kthejë rezultatin në favor të tyre. Shanon Shorter ishte lojtari më i dalluar i Bashkimit, me 28 pikë, gjashtë kërcime dhe dy asistime, duke shënuar pikët vendimtare në momentet kyçe të ndeshjes. Ndeshja e dytë gjysmëfinale do të zhvillohet të shtunën në Prishtinë, ku skuadra që arrin tri fitore do të kalojë në finale të Superligës së Kosovës në basketboll.