Drilon Hazrollaj, sulmuesi 22-vjeçar nga Kosova, i është bashkuar zyrtarisht KF Tiranës në formë huazimi nga FC Rapid 1923. Pas një sezoni të vështirë në Rumani, ku vuajti nga lëndimet dhe nuk arriti të shënojë apo asistojë në 14 paraqitje, Hazrollaj kërkon të rigjejë formën e tij të mirë që kishte te FC Malisheva. Marrëveshja mes klubeve përfshin opsionin që Tirana të bëjë transferimin përfundimtar të lojtarit në fund të periudhës së huazimit. Ky transferim pritet të shtojë një alternativë të fortë në repartin ofensiv të skuadrës bardheblu për sezonin e ri.