Kampioni i Kosovës, Drita, ka mësuar kundërshtarin e parë në raundin e parë kualifikues të Ligës së Kampionëve, ku do të përballet me skuadrën lituaneze Kauno Zalgiris. Në rast fitoreje, Drita do të ndeshet me fituesin e përballjes midis Kalksvik dhe Attert Bissen në raundin e dytë. Trajneri Zekirija Ramadani ka deklaruar se nuk e njeh ende kundërshtarin, por skuadra ka kohë për t’u përgatitur dhe beson se freskia mund të jetë një avantazh në këtë kompeticion. Ndeshjet e para do të zhvillohen më 7 ose 8 korrik në Lituani, ndërsa kthimi një javë më vonë.