Kampionia e Kosovës në futboll, Drita, do të luajë të enjten ndeshjen e parë të raundit të tretë kualifikues të Ligës së Konferencës kundër kampionit të San Marinos, Tre Fiori. Takimi i parë zhvillohet në San Marino, ndërsa ndeshja kthyese do të zhvillohet më 13 gusht në “Fadil Vokrri” në Prishtinë. Në këtë raund kualifikues janë kualifikuar edhe Dinamo City nga Tirana dhe Shkëndija nga Tetova, të cilët do të përballen me ekipe nga Letonia dhe Skocia. Ndërkohë, kampionia e Shqipërisë, Egnatia, vazhdon garën në Ligën e Evropës dhe do të ndeshet me Shamrock Roversin e Irlandës më 6 dhe 13 gusht.