Klubi i futbollit Drita zhvillon sot ndeshjen e parë të raundit të dytë kualifikues në Ligën e Konferencës ndaj skuadrës malteze Floriana, në stadiumin “Centenary” në Ta’ Qali. Takimi fillon në orën 19:30 dhe përbën një moment kyç për skuadrën gjilanase në rrugëtimin e saj evropian, ku synohet një rezultat pozitiv si mysafire për të krijuar epërsi para ndeshjes së kthimit. Floriana do të kërkojë të shfrytëzojë përkrahjen e tifozëve dhe avantazhin e fushës së vet për të marrë një rezultat të favorshëm. Atmosfera në kampin e Dritës është optimiste, me synimin për të avancuar në raundin tjetër dhe për të përfaqësuar denjësisht futbollin kosovar në arenën ndërkombëtare.