Kampionia në fuqi e Kosovës, Drita e Gjilanit, ka arritur një fitore të vështirë në udhëtim ndaj Vushtrrisë, duke fituar 1-0 në ndeshjen e javës së katërt të Superligës. Golin e vetëm e shënoi Arb Manaj në minutën e 77-të me kokë, duke i dhënë Dritës tre pikët e rëndësishme. Pas këtij rezultati, Drita ka grumbulluar 6 pikë, ndërsa Vushtrria mbetet pa pikë pas tri ndeshjeve të zhvilluara në këtë sezon. Në krye të renditjes qëndrojnë Malisheva dhe Gjilani me nga 7 pikë, duke krijuar një garë të fortë në elitën e futbollit kosovar.