Kombëtarja e Kosovës në volejboll do të përballet nesër në një ndeshje miqësore ndaj Shqipërisë, në palestrën sportive “Farkë” në Tiranë, duke filluar nga ora 17:00. Kjo sfidë është pjesë e një serie ndeshjesh miqësore që shërbejnë si test për stafin teknik dhe lojtarët, për të përgatitur ekipin për sfidat zyrtare që po afron. Federata e Volejbollit të Kosovës ka theksuar rëndësinë e këtyre ndeshjeve për të fituar ritëm dhe përvojë ndërkombëtare. Lojtarët e Kosovës synojnë të tregojnë karakter, disiplinë dhe cilësi në parket përballë një kundërshtari të njohur dhe tradicional.