Federata Ndërkombëtare e Futbollit (FIFA) ka përzgjedhur duel kryesor individual të finales së plejofit evropian për Kupën e Botës 2026 përballjen mes Kosovës dhe Turqisë, duke vënë në fokus Fisnik Asllanin dhe Arda Gulerin. Asllani, sulmuesi i Hoffenheimit, ishte protagonist në gjysmëfinalen ndaj Sllovakisë, ku barazoi rezultatin me një gol spektakolar me kokë dhe ndihmoi Kosovën të fitojë 4:3, duke u afruar shumë pranë një kualifikimi historik. Nga ana tjetër, Arda Guler, ylli i Real Madridit, shfaqi cilësi teknike të larta në gjysmëfinalen kundër Rumanisë, duke asistuar golin vendimtar në fitoren 1:0 të Turqisë. Ndeshja finale e plejofit zhvillohet në orën 20:45 në stadiumin “Fadil Vokrri”, ku dy talentet e rinj pritet të kenë një përballje vendimtare, ndërsa Asllani është gjithashtu në radarin e klubeve të mëdha evropiane, përfshirë Barcelonën, për një transferim të mundshëm në verë.