Faza e grupeve në Kupën e Botës 2026 po vazhdon me tri ndeshje të rëndësishme që do të transmetohen në RTK, ku përballja kryesore është ajo mes Zvicrës dhe Kanadasë në Grupin B. Të dyja skuadrat kanë nga katër pikë dhe një barazim do t’u siguronte kualifikimin në 1/32 e finales, me Kanadanë që do të përfundonte në vendin e parë dhe Zvicrën në të dytin. Megjithatë, të dyja ekipet synojnë fitoren për të marrë pozitën kryesore në grup dhe për të siguruar një kundërshtar më të favorshëm në fazën eliminatore. Në ndeshjen tjetër të Grupit B, Bosnje e Hercegovina dhe Katari, të cilat kanë nga një pikë, duhet patjetër të fitojnë për të mbajtur gjallë shpresat për kalim tutje, ndërsa trajnerët e tyre kanë premtuar lojë sulmuese dhe luftë deri në fund. Ndeshjet e këtij raundi zhvillohen në të njëjtën kohë për të shmangur manipulimet dhe për të garantuar garë të ndershme.