KF Dukagjini ka zyrtarizuar transferimin e mbrojtësit qendror brazilian Luan Leite da Silva, i cili vjen për të forcuar repartin defensiv të skuadrës kampione të Kupës së Kosovës. 30-vjeçari ka një karrierë të gjatë në futbollin evropian, duke luajtur për klube si FC Liefering, Sturm Graz, SKN St. Pölten, Ionikos, Lokomotiv Plovdiv dhe Hertha Wels, skuadër ku ishte pjesë sezonin e kaluar. I formuar në akademinë Red Bull Brasil dhe me eksperiencë në ekipin e Red Bull Salzburg, ai pritet të sjellë përvojë dhe stabilitet në mbrojtjen e Dukagjinit. Ky përforcim synon të forcojë mbrojtjen e kampionëve në fuqi të Kupës së Kosovës dhe të rrisë konkurrencën në ekip.