Në ndeshjen e xhiros së 31-të të Superligës së Kosovës në futboll, Dukagjini i Klinës arriti një fitore të rëndësishme në transfertë ndaj Ferizajt me rezultat 2:1. Golat për Dukagjinin u shënuan nga Hekuran Kryeziu në minutën e 41-të dhe Dieni Isufi në minutën e 51-të, ndërsa Betim Haxhimusa shënoi golin e nderit për Ferizajn në minutën e fundit të takimit. Ferizaj luajti pjesën e fundit të ndeshjes me një lojtar më pak pasi Ruben Cornelious u përjashtua me karton të kuq në minutën e 78-të. Me këtë fitore, Dukagjini u largua më shumë nga zona e rënies, duke u ngjitur në vendin e gjashtë me 41 pikë, ndërsa Ferizaj mbeti në vendin e parafundit me 33 pikë, duke u rrezikuar seriozisht për mbetjen në elitë. Të dyja skuadrat do të përballen sërish më 21 maj në finale të Kupës së Kosovës në stadiumin “Fadil Vokrri”.