Një situatë e pazakontë ka ndodhur në futbollin kosovar, ku dy klube të ndryshme, SC Gjilani dhe FC Ballkani, kanë bërë zyrtare të njëjtin lojtar, Bleart Tolaj, brenda një periudhe shumë të shkurtër. Fillimisht, Gjilani e prezantoi Tolajn si përforcimin e tyre të ri për sezonin e ardhshëm, duke e shfaqur me fanellën e klubit. Pak më vonë, Ballkani reagoi me një komunikatë zyrtare ku njoftoi se Tolaj kishte rinovuar kontratën për dy vite të tjera dhe do të vazhdonte të ishte pjesë e skuadrës nga Suhareka.