Rexhep Hajdari dhe Fati Vejseli, dy mundës shqiptarë nga Shkupi, fituan medalje të argjendta për Maqedoninë e Veriut në Lojërat Mesdhetare “Taranto 2026”. Hajdari u rendit i dyti në kategorinë deri në 97 kilogramë në stilin e lirë, duke u mundur në finale nga Dauren Kurugliev i Greqisë me rezultat 6:0. Ndërsa Vejseli, në kategorinë deri në 74 kilogramë, u detyrua të ndërpresë finalen për shkak të një lëndimi, duke humbur ndaj Islam Dudaevit të Shqipërisë, i cili ishte në epërsi në momentin e ndërprerjes. Me këto dy medalje argjendi dhe një medalje bronzi nga Ahmad Magomedov, Maqedonia e Veriut ka arritur të sigurojë tre medalje në këtë edicion të Lojërave Mesdhetare.