Sot zhvillohen dy ndeshje të rëndësishme në kuadër të javës së 33-të të Superligës së Kosovës në futboll, të cilat kanë ndikim të madh në renditje dhe objektiva të ndryshëm. Ferizaj do të presë Malishevën, e cila kërkon të sigurojë pjesëmarrjen në garat evropiane, ndërsa Llapi do të përballet me Dukagjinin në një duel ku të dyja skuadrat luftojnë për mbijetesë në elitë. Ndeshjet fillojnë në orën 16:00 dhe do të transmetohen drejtpërdrejt në platformën Artmotion, në kanalet Sport 1 dhe Sport 2. Ndërkohë, kampioni i këtij sezoni është përcaktuar tashmë, me Dritën që mbrojti titullin pas fitores 2:0 ndaj Ballkanit.