Kombëtarja e Zvicrës ka publikuar listën zyrtare të futbollistëve të ftuar për Kupën e Botës 2026, që do të zhvillohet në SHBA, Meksikë dhe Kanada. Në këtë listë figurojnë dy futbollistë me prejardhje shqiptare, Granit Xhaka nga Sunderland dhe Ardon Jashari nga Milan, të cilët do të përfaqësojnë Zvicrën në këtë kompeticion të madh. Trajneri Murat Yakin ka konfirmuar emrat pas një procesi seleksionimi që përfshiu edhe një “gjueti thesar” në rrjetet sociale, ndërsa lista përmban edhe yje të tjerë si Manuel Akanji, Ricardo Rodriguez dhe Breel Embolo. Zvicra do të nisë përgatitjet më 25 maj dhe do të zhvillojë një ndeshje miqësore ndaj Jordanisë më 31 maj, para se të udhëtojë drejt SHBA-së për fazën finale të Kupës së Botës.