Nga 6 deri më 8 mars 2026, në Linz të Austrisë do të zhvillohet gara prestigjioze ndërkombëtare e xhudos, Grand Prix Upper Austria, ku do të marrin pjesë rreth 482 garues nga 59 shtete dhe 6 kontinente. Kosova do të përfaqësohet nga dy xhudiste, Fatjona Kasapi në kategorinë deri në 52 kilogramë dhe Laura Fazliu në kategorinë deri në 63 kilogramë. Të dyja do të jenë nën udhëheqjen e trajneres së njohur, kampiones olimpike Majlinda Kelmendi, një figurë kyçe e xhudos kosovare. Ndeshjet e tyre do të zhvillohen në ditë të ndryshme, me Fatjonën që do të garojë të premten dhe Laurën të shtunën, ndërsa gara mund të ndiqet drejtpërdrejt online në platformën Judotv.