Kombëtarja e Turqisë përballet me një shqetësim të madh para finales së ‘play-off’-it për kualifikim në Botërorin 2026 kundër Kosovës, që do të zhvillohet në Prishtinë. Kapiteni dhe ylli i ekipit, Hakan Calhanoglu, është i dyshuar për mungesë pas një dëmtimi të ri në pulpën e këmbës gjatë ndeshjes gjysmëfinale kundër Rumanisë, ku u zëvendësua në minutën e 90-të. Ky lëndim është i njëjtë me atë që e kishte pësuar në janar me Interin, duke e mbajtur jashtë fushave për më shumë se një muaj dhe duke kufizuar paraqitjet e tij gjatë këtij viti. Për momentin, nuk ka konfirmim zyrtar nëse Calhanoglu do të jetë në dispozicion për ndeshjen vendimtare ndaj Kosovës, ndërsa trajneri Vincenzo Montella dhe ekipi presin zhvillimet e fundit për gjendjen e kapitenit.