Kristjan Asllani vazhdon të jetë në pritje të një vendimi për të ardhmen e tij te Interi, pasi klubi italian nuk e konsideron pjesë të skuadrës për sezonin e ri. Mesfushori shqiptar është në kërkim të një opsioni largimi, ndërsa Monza ka shfaqur interes konkret për të, duke u përpjekur të gjejë zëvendësues për kapitenin e tyre të dëmtuar, Matteo Pessina. Megjithatë, drejtuesit e Monzës po shqyrtojnë edhe profilin e francezit Yanis Massolin, i cili duket më i përshtatshëm për nevojat e tyre, megjithëse Asllani nuk është përjashtuar plotësisht nga planet. Oferta e Monzës mund të arrijë deri në 8 milionë euro, me Interin që kërkon rreth 12 milionë, ndërsa një huazim me opsion blerjeje mbetet një mundësi e hapur në negociata.