Alejandro Balde po përballet me një situatë të pasigurt në Barcelonë, pasi mungesa e tij në listën për ndeshjen ndaj Elches ka shtuar dyshimet për largimin e tij nga klubi. Arsyeja e mungesës së tij nuk është dëmtimi, por një vendim teknik, ndërsa trajneri Hansi Flick kërkon më shumë konkurrencë dhe përkushtim nga mbrojtësi spanjoll. Manchester United po monitoron nga afër situatën dhe e ka futur Balden në listën e alternativave për krahun e majtë, duke e bërë largimin një mundësi reale. Megjithatë, Balde dëshiron të qëndrojë dhe të luftojë për vendin e tij në Barcelonë, ndërsa klubi katalanas është i gatshëm të dëgjojë oferta për të krijuar hapësira financiare për përforcime të tjera.