E ardhmja e Juventusit në merkato do të varet kryesisht nga kualifikimi në Champions League për sezonin e ardhshëm. Pas një barazimi zhgënjyes ndaj Veronës, skuadra ka vështirësi në garën për vendet europiane, ndërsa Roma po afrohet në renditje. Një nga lojtarët më të përfolur për largim është sulmuesi portugez Francisco Conceiçao, i cili ka tërhequr interesin e klubeve të mëdha europiane, përfshirë Liverpoolin, që e sheh si zëvendësues potencial të Mohamed Salah-ut. Megjithatë, Juventus nuk dëshiron ta shesë lehtë dhe kërkon të paktën 70 milionë euro, ndërsa vetë lojtari dëshiron të qëndrojë në Torino, por një ofertë e madhe mund të ndryshojë gjithçka.