Bayern Munich po konsideron seriozisht shitjen e mbrojtësit kanadez Alphonso Davies gjatë kësaj vere, pasi ai nuk shihet më si pjesë e pazëvendësueshme në projektin e skuadrës. Klubi ka nisur bisedime me disa skuadra nga Arabia Saudite, të cilat janë të gatshme të përmbushin kërkesat financiare për transferimin e 25-vjeçarit. Përpjekjet për largimin e Davies janë përshpejtuar edhe nga mundësia e afrimit të Nathaniel Brown nga Eintracht Frankfurt, që mund të zëvendësojë rolin e tij në skuadër. Lëndimet e përsëritura dhe paga e lartë e lojtarit kanë shtuar mundësinë e largimit, ndërsa vetë Davies dhe përfaqësuesit e tij po shqyrtojnë opsionet mes vazhdimit në Evropë ose kalimit në Arabinë Saudite.