Denzel Dumfries ka rikthyer dyshimet mbi të ardhmen e tij te Interi, duke bërë të ditur se vendimi përfundimtar do të merret pas Kupës së Botës. Mbrojtësi holandez, i cili ka kontratë deri në vitin 2028 dhe një klauzolë lirimi prej 25 milionë eurosh, është objekt i interesit të disa klubeve evropiane. Ndërsa Interi dëshiron ta mbajë si një element kyç në skuadër, lojtari ka shmangur premtime afatgjata dhe ka theksuar prioritetin e tij përfaqësimin e Holandës në turneun ndërkombëtar. Pas përfundimit të Botërorit, Dumfries pritet të zhvillojë bisedime me drejtuesit e Interit për të vendosur nëse do të vazhdojë projektin në Milano apo do të nisë një aventurë të re në merkato.