Presidenti i Trabzonsporit, Ertugrul Dogan, ka deklaruar se e ardhmja e sulmuesit Ernest Muçi, i huazuar nga Besiktasi, do të vendoset nga trajneri aktual i ekipit, Fatih Tekke. Muçi ka pasur një sezon të shkëlqyer me Trabzonin, duke shënuar 13 gola dhe dhuruar tetë asistime në 31 paraqitje, duke qenë një nga lojtarët kyç që po ndihmon skuadrën të luftojë për një vend në Evropë. Nëse trajneri jep "dritën jeshile", klubi do të përfundojë blerjen e tij për rreth 7.5 milionë lira turke, ndërsa Besiktasi e ka lënë të hapur mundësinë e rikthimit të Muçit gjatë afatit kalimtar veror. Gjithashtu, sulmuesi është rikthyer së fundmi edhe te Kombëtarja e Shqipërisë, duke konfirmuar formën e tij të mirë.