Kristjan Asllani, mesfushori i Interit dhe Kombëtares shqiptare, po përballet me një periudhë pasigurie për të ardhmen e tij futbollistike. Fillimisht u raportua se ai ishte i interesuar të transferohej tek Al Itihad në Arabinë Saudite, ku do të kishte më shumë minuta në fushë pas një sezoni me pak aktivizime. Megjithatë, kjo pistë u shua pasi klubi saudit mbylli marrëveshjen për një mesfushor tjetër në të njëjtin pozicion dhe për shkak të kufizimeve për numrin e lojtarëve të huaj. Aktualisht, Asllani vazhdon të jetë jashtë planeve të Interit dhe kërkon një destinacion të ri, ndërsa negociatat për transferimin e tij mbeten të vështira për shkak të kërkesave financiare të larta nga ana e klubit dhe lojtarit.