Kristjan Asllani është rikthyer te Interi pas huazimit te Besiktasi, por klubi italian nuk e përfshin në planet për sezonin e ri dhe pritet të largohet gjatë afatit kalimtar. Sassuolo e ndjek me interes mesfushorin 23-vjeçar, por nuk mund të përmbushë kërkesën prej rreth 15 milionë euro të Interit për një transferim përfundimtar. Si zgjidhje, po shqyrtohet një huazim me të drejtë ose detyrim blerjeje në fund të sezonit, që do t’i lejonte Sassuolos të përballonte më lehtë operacionin financiar. Në ditët në vijim priten kontakte të reja mes klubeve për të vendosur nëse do të pranohet kjo formulë apo do të kërkohet shitja e menjëhershme e Asllanit.