Kristjan Asllani nuk është më pjesë e planeve të trajnerit të Interit, Cristian Chivu, dhe pritet të largohet nga klubi këtë verë. Megjithatë, lajmet që e lidhin atë me një transferim te Atalanta janë të pavërteta, pasi nuk ka negociata të avancuara mes dy klubeve për momentin. Interi kërkon një klub që të paguajë rreth 10 milionë euro për kartonin e Asllanit, një shumë që konsiderohet e lartë dhe mund të bëjë që klubi të heqë dorë nga pretendimet. Në mungesë të një transferimi përfundimtar, huazimi mbetet një opsion i mundshëm, ndërsa Sassuolo është një nga ekipet që po përflitet si destinacion potencial për mesfushorin shqiptar.