Michael Olise, ylli francez i Bayern Munich, është në qendër të spekulimeve të forta gjatë afatit kalimtar të verës, me Real Madridin që po shqyrton seriozisht mundësinë e transferimit të tij. Megjithatë, Bayern duket i vendosur ta mbajë lojtarin, i cili ka kontratë të vlefshme për tre vite të tjera dhe nuk ka kërkuar largimin nga klubi. Drejtuesit bavarezë planifikojnë t’i ofrojnë Olises një kontratë të re, duke e konsideruar atë pjesë kyçe të projektit të tyre. Nga ana tjetër, Real Madrid vazhdon të jetë i interesuar dhe presidenti Florentino Perez e sheh Olisen si një përforcim të ëndrrave për skuadrën, por tarifa e lartë dhe ndikimi i Bayernit e bëjnë një transferim të menjëhershëm pothuajse të pamundur.